OROMO

 Anaa-nyatu saba koo
 Saba dhiigaan tokkoo
 Saba Afaan tokkoo
 Saba aadaan bal'aa!
 Mee of keessaa baasi
 Muka qottoo jal'aa
 Qabsoo faffaca'aa 
 Warri itichaa jirtan
 Bishaan miila gaye
 Mataa hin anqatuu
 Yeroo Baale reeban 
 Shawaan maaf hin kaatuu
 Yoo Arsii xuqan 
 Wallagga maa hin kaatuu
 Yoo Arargeen xuqan 
 Booranni maaf teessaa?
 Nuti dhiiga tokkoo 
 Oromoo dhageessaa?
 Akka ilmaan Hoolotaa
 Tokko yoo qalatan
 Kaan, alala nyaatan
 Jedhan yoo mammaakan
 Qabsoo itichinaa
 Nuti ilmaan namaatii
 Yoo Amboo jalqabe
 Jalqabaa jimmatti
 Wallaggatti dabarsaa
 Qaarsisaa baaletti
 Harargettis himaa 
 Warra Haroo maayaatti
 Hin dagatin dhaamaa
 Ijoollee Booreetti
 Wallo hin irraafatin
 Warra goraadeetii
 Qabdanii nu hin qaltan
 Hooftanii nu hin hiitan
 Nuti ilmaan namaatii
 Nuti Hoolota mitii
 Wal irratti lolaa
 Oromoon ka'aatii
 Ijaarsa, ijaarsa
 Ijaarsa barbaadaa
 Qabsoon ta'uu qabaa
 Oromootaaf aadaa
 Mirga koo hin dhiitin
 Qabeenyaa koo hin saamin
 Aadaa koon tifkadhaa
 Mirga koon eeggadha
 Ani ana malee 
 Eenyumalleen mitii
 Ta'uullee hin dandayuu
 Gara fuulduraatti.
 Ani yoon of tuffadhee
 Jarattis makame
 Kan isaaniirra hin jiruu
 Kan koo irraas haqamee
 Waan nama feesisu
 Namaaf barbaachisu
 Mantaafii Aadaa
 Afaaniifii biyya
 Nan qabaafan iyyaa
 Kan namaatiif mitii
 Maafan dhiisa kiyyaa?
 Maan callisee laalaa
 Akkuma wallaalaa
 Daljeessi abbaa maasaa
 Akkamittiin dhaalaa?
 Hattuu alaa dhufee
 Mana sitti diigu
 Yoo ati irribaa... dammaqixe
 Kan fiigu
 Dabeessa abbaa garaa
 Isa onnee hin qabne
 Mataa irrtti baannaa 
 Ari'uu dadhabnee?